Juhime tähelepanu, et artikkel on rohkem kui viis aastat vana ning kuulub meie arhiivi. Ajakirjandusväljaanne ei uuenda arhiivide sisu, seega võib olla vajalik tutvuda ka uuemate allikatega.
/nginx/o/2016/11/24/6106073t1h547b.png)
Mõtli, et saa rohkemb kraami ostä, sis ei ole vaja käe otsan tassi. Kehva om tu, et näet turun om lihakaar remondin. Kõndsemi Varbavahe Vallige kik kotuse läbi, aga es saa tuud mis vaja. Ma tahtse apnit kapstit kiita rasvatsemba lihage. Lätsimi sis alla suurde Siili puuti. Kai, et letin ummagine tsiapõse. Noid olli õkva alle vahti. Sääntene tunne olli, et mineva-aastatse. Kalli inna iist noid küll keakine ei võta. Tollen poodin om kallimb kraam.
Saie viil kokku Rabaveere Roosiga. Kõnelime ütest ja tõsest. Sis nakse vandma umma väimiist. Tu ei saisvet inämb kodun, ütest tükist tükk kallu püüdmä. Oles viil saanu, sis tõne asi. Käi nigu lõbusõedun ja vedä viil tõisi ka üten. Ma püüdse rahustedä. Mis sa tiit, kui miistel sääne uvi om.
Sinininä Suidu poig juusk müüda saale, tu om kõva portlane. Ei tähenda tu ka, et päivä tege rasset tüüd. Ütel, et seo om ihukasvatuis. Miu vanamiis mängse nuurest pääst duminuud ja viil määnestki lauamängmise mängu. Igä ütel uma tahtmise. Naestel om tõistsugutse obise. Turvatuki Tilde taht kõvaste näputüüd tetä. Küll vaht sääntsit ja määntsit muistrit. Ma ka vanaste kudasi ja eegeldi, aga nüit om nägemine kehvemb, ei ole tükil aal miaki tennu. Kaaruted terve päivä ringi, õhtas olet väsinu, kaed, et kiirembide saa põhku pugedä. Ää miil om, et ilmätaat oid inemiste puule. Ei ole kõvat külmä ollu ja tiiolu omma ka normin.
Miili Milling