Juhime tähelepanu, et artikkel on rohkem kui viis aastat vana ning kuulub meie arhiivi. Ajakirjandusväljaanne ei uuenda arhiivide sisu, seega võib olla vajalik tutvuda ka uuemate allikatega.
/nginx/o/2016/11/24/6106073t1h547b.png)
Mõtle, kos külmetäs, sääst külmä es mõesta oodate. Tare lätt ommugus nii külmäs, et ei taha kuigi sängist vällä ronide. Ullust pääst saie liina sõedetus, ää et viil eng sisse jäije. Tagasi saie kodu Kõverkruvi Karla pojage, õkva kui bussi päält maha tulli. Tol nii uhke massin, sihest lämmi, sääntene soojenduis, mis tiib sällä ja persealutse istme soojas.
Seebivahu Salli kõnel, et laudan om väegade külm, kannul om kehv sääntse ilmägä. Tõeva tarre ja pantsevä kasti. Vändavõlli Vallu kõnel, et lobudik olli ommugus ärä jahtunu. Vaevalt kahessa kraati suuja.
Aga tuud piät ütlemä, et valitsuis teie väegade õige teo. Vähembalt võtse ulu alla noid, kes ollivä ripakile ilmä pääle jäetu. Üitskõrd saivä lämmät süüki, tu oid iks enge sisen. Egä kik ei oleva luusuri, ilu om keeranu sääntse vingerpussi. Alaniidu Ainu olli autubaasin tüül, sis kõnel, et kui kik laiale läts, sis pallu ilujõulitsi mehemürakit kaotivä tüükoha. Tuu olli väegade kurb aig. Mõne saiva tüüotsa, tõse istsevä naeste kaala pääl. Ää, kui üitski peren saa tüüd. Õkva ei taha kuigi usku, et mi riigin sääne kõrd om. Süa lätt härdas, kui tu pääle mõtlet.
Lembelaane Leida kõnel, et vii toruse ollivä ärä külmänu, es saa vett. Sulativä lumme ja joogis tõivä piimäkarrege Rummuravva Ruudi kajust.
Orikuru Olga tütär om liinan poodin tüül, sis kõnel, et külmäge es käu rafas ka poodin. Latse saeva kotun istu. Koolitare umma ka külmä. Ädä igate pidi. Miu süa valutas, et uibupuu saava vigä. Kaits aastet tagasi saie ostetus nuuri ploomi- ja pirnipuid. Kevvai tule, sis om nätä, mis alale jääs.
Miili Milling